तीज मिलन कार्यक्रम सम्पन्न (भिडियो सहित)

भदौ १४,

चुरे पूर्वविद्यार्थी परिवार-काठमाडौले शनिवार राजधानीमा तीज मिलन कार्यक्रम सम्पन्न गरेको छ ।

काठमाडौंको धापासी मिलन टोलमा आयोजना गरिएको कार्यक्रममा बर्दियाको बगनाहास्थित चुरे माध्यामिक विद्यालयका पूर्वशिक्षक श्री ध्रुब विक्रम शाह दम्पतीलाई चुरे पूर्वविद्यार्थी परिवारका उपाध्यक्ष दिनेश श्रेष्ठले सम्मान गर्नु भएको थियो । भिडियो तथा तस्बिरहरु फेसबुकबाट साभार हुन्।

श्री कालिका प्रसाद उपाध्यायको सम्मान कार्यक्रम (तस्बिर सहित)

काठमाडैांमा रहनुभएका चूरे परिवारका साथीभाइहरूले चूरे मा.वि. बगनाहाबाट स्कूले शिक्षा पूरा गरी विद्यावारिधि (पिएचडि) गर्ने व्यक्तिका रूपमा मध्यबानेश्वरको म्याकडोनाल्ड क्याफेमा आयोजित एक भेटघाट कार्यक्रममा श्री कालिका प्रसाद उपाध्यायलाई सम्मान गरेका छन।

सोहि कार्यक्रममा भएको छलफलले श्री जगत बानियाँको अध्यक्षतामा चूरे पूर्वविद्याथी परिवार काठमाडैां गठन गरिएको छ । पूर्विद्यार्थीहरूको अापसी सम्बन्ध र चूरेको हितमा लागि पर्नु यो परिवारको साझा उद्देश्य हो  । उक्त कार्यक्रममा व्यक्तिगत व्यस्तताका कारण पाल्न नसक्नुभएका तर काठमाडैांमा रहनुभएका सबैलार्इ यस परिवारका  अागामी कार्यक्रमहरूमा उपस्थित भई अावद्ध हुन हामी अनुरोध गरिएको छ  । सो कार्यक्रमका केहि तस्बिरहरु : 

गुरुको आर्शिवाद (कविता)

• कृष्ण प्रसाद पौड्याल 

मेरा शिष्यहरु सधै अघि बढुँन, कर्तव्य पथमा  हिडुँन् ।

नेपाल देश बनाउन तिनी सबै जुटी समर्पित हउँन् ।।

तिन्मा शक्ति मिलोस् धनञ्जय सरी बल्मा ती बज्रै बनुँन् ।

व्यौमैमा शशि सूर्य झैं चमकिला तारा सरी चम्किउँन् ।।१।।

लाटा बोलुन मुसुमुसु गरी ज्ञानको वोध पाई ।

अन्धा जागुन जरझर गरी कान्ति तिनको  चियाई ।।

बैरा उठुन सुमधुर सधैँ  स्वर तिनको सुनेर ।

विहानी भो टलल नभमा सूर्य आयो भनेर ।। २।।

पर्नन् पत्थर प्रगति पथमा रुक्न काँही नरुके ।

बढ्दै जाउन् अघि अघि तिमी झुक्न काँही नझुके ।।

तिम्रो आत्मा निरमल रहोस् ज्ञान ज्योति लिएर ।

बढ्दै जानु प्रगति पथमा शान्ति सन्देश छरेर ।।३।।